مطلب بن ابی وداعہ سہمی (رض) کہتے ہیں کہ میں نے رسول اللہ ﷺ کو دیکھا جب آپ اپنے ساتوں پھیروں سے فارغ ہوئے حجر اسود کے بالمقابل آ کر کھڑے ہوئے، پھر مطاف کے کنارے میں دو رکعتیں پڑھیں اور آپ کے اور طواف کرنے والوں کے بیچ میں کوئی آڑ نہ تھی۔ ابن ماجہ کہتے ہیں : یہ (بغیر سترہ کے نماز پڑھنا) مکہ کے ساتھ خاص ہے۔ تخریج دارالدعوہ : سنن ابی داود/الحج ٨٩ (٢٠١٦) ، سنن النسائی/القبلة ٩ (٧٥٩) ، الحج ١٦٢ (٢٩٦٢) ، (تحفة الأشراف : ١١٢٨٥) ، وقد أخرجہ : مسند احمد (٦/٣٩٩) (ضعیف) (سند میں کثیر بن مطلب مجہول راوی ہیں، نیز سند میں بھی اختلاف ہے، ملاحظہ ہو : سلسلة الاحادیث الضعیفة، للالبانی : ٩٢٨ )