سہل بن سعد ساعدی (رض) کہتے ہیں کہ رسول اللہ ﷺ غزوہ احد کے دن زخمی ہوگئے، آپ کے سامنے کا ایک دانت ٹوٹ گیا، اور خود ٹوٹ کر آپ کے سر میں گھس گیا تو فاطمہ (رض) آپ کا خون دھو رہی تھیں اور علی (رض) ڈھال سے پانی لا لا کر ڈال رہے تھے، جب فاطمہ (رض) نے دیکھا کہ پانی کی وجہ سے خون بجائے رکنے کے بڑھتا ہی جاتا ہے تو چٹائی کا ایک ٹکڑا لے کر جلایا، جب وہ راکھ ہوگیا تو اسے زخم میں بھر دیا، اور اس طرح خون رک گیا۔ تخریج دارالدعوہ : صحیح البخاری/الوضوء ٧٣ (٢٤٣) ، الجہاد ٨٥ (٢٩١١) ، الطب/٢٧ (٥٧٢٢) ، صحیح مسلم/الجہاد ٣٧ (١٧٩٠) ، سنن الترمذی/الطب ٣٤ (٢٠٨٥) ، (تحفة الأشراف : ٤٧٠٦) (صحیح )