رفاعہ بن رافع (رض) سے روایت ہے کہ وہ نبی اکرم ﷺ کے پاس بیٹھے ہوئے تھے، آپ ﷺ نے فرمایا : کسی کی کوئی نماز پوری نہیں ہوتی جب تک کہ کامل وضو نہ کرے جیسے اللہ تعالیٰ نے اسے حکم دیا ہے کہ اپنے چہرے کو اور دونوں ہاتھوں کو کہنیوں سمیت اور دونوں پیروں کو ٹخنوں سمیت دھوئے، اور اپنے سر کا مسح کرے ١ ؎۔ تخریج دارالدعوہ : سنن ابی داود/الصلاة ١٤٨ (٨٥٧) ، سنن الترمذی/الصلاة ١١٠ (٣٠٢) ، سنن النسائی/الإفتتاح ١٦٧ (١١٣٧) ، (تحفة الأشراف : ٣٦٠٤) ، وقد أخرجہ : مسند احمد (٤/٣٤٠) ، سنن الدارمی/الصلاة ٧٨ (١٣٦٨) (صحیح ) وضاحت : ١ ؎: اس میں بھی رجلیہ کا لفظ يديه پر معطوف ہے، اور مطلب یہ ہے کہ منہ اور ہاتھ اور پاؤں کو دھوئے، اور سر کا مسح کرے۔