شریح بن ہانی (رض) کہتے ہیں کہ میں نے ام المؤمنین عائشہ (رض) سے موزوں پر مسح کے متعلق پوچھا تو انہوں نے کہا : علی (رض) کے پاس جاؤ، اور ان سے پوچھو، اس لیے کہ وہ اس مسئلہ کو مجھ سے زیادہ بہتر جانتے ہیں، چناچہ میں علی (رض) کے پاس آیا اور ان سے مسح کے متعلق سوال کیا تو انہوں نے کہا : رسول اللہ ﷺ ہم کو حکم دیتے تھے کہ مقیم ایک دن اور ایک رات، اور مسافر تین دن تک مسح کرے۔ تخریج دارالدعوہ : صحیح مسلم/الطہارة ٢٤ (٢٧٦) ، سنن النسائی/الطہارة ٩٩ (١٢٨) ، (تحفة الأشراف : ١٠١٢٦) ، وقد أخرجہ : مسند احمد (١/٩٦، ١٠٠، ١١٣، ١٢٠، ٣ ١٣، ١٣٤، ١٤٦، ١٤٩) ، سنن الدارمی/الطہارة ٤٢ (٧٤١) (صحیح )