ابوہریرہ (رض) کہتے ہیں کہ رسول اللہ ﷺ نے فرمایا : کوئی شخص ٹھہرے ہوئے پانی میں غسل جنابت نہ کرے ، پھر کسی نے کہا : ابوہریرہ ! تب وہ کیا کرے ؟ کہا : اس میں سے پانی لے لے کر غسل کرے ١ ؎۔ تخریج دارالدعوہ : صحیح مسلم/الطہارة ٢٩ (٢٨٣) ، سنن النسائی/الطہارة ١٣٩ (٢٢١) ، المیاہ ٣ (٣٣٢) ، الغسل ١ (٣٩٦) ، (تحفة الأشراف : ١٤٩٣٦) (صحیح ) وضاحت : ١ ؎: ٹھہرے ہوئے پانی میں غوطہ لگانا منع ہے کیونکہ اس سے دوسرے لوگوں کو کراہت ہوگی، اس کا یہ مطلب نہیں کہ پانی ناپاک ہوجائے گا، اس لئے منع ہے کیونکہ پانی اگر دو قلہ سے زیادہ ہو تو وہ اس طرح کی نجاست سے ناپاک نہیں ہوتا۔