انس بن مالک (رض) کہتے ہیں کہ رسول اللہ ﷺ نے فرمایا : کوئی شخص مومن نہیں ہوسکتا جب تک کہ وہ اپنے بھائی (یا اپنے پڑوسی) کے لیے وہی چیز پسند نہ کرے جو وہ اپنے لیے پسند کرتا ہے ١ ؎۔ تخریج دارالدعوہ : صحیح البخاری/الإیمان ٧ (١٣) ، صحیح مسلم/الإیمان ١٧ (٤٥) ، سنن الترمذی/صفة القیامة ٥٩ (٢٥١٥) ، سنن النسائی/الإیمان ١٩ (٥٠١٩) ، (تحفة الأشراف : ١٢٣٩) ، وقد أخرجہ : مسند احمد (١/٨٩، ٣/١٧١، ١٧٢، ١٧٦، ٢٠٦) ، سنن الدارمی/الرقاق ٢٩ (٢٧٨٢) (صحیح ) وضاحت : ١ ؎: یعنی کامل مومن نہیں ہوسکتا، اس حدیث سے مسلمانوں کی باہمی خیر خواہی کی اہمیت و فضیلت ظاہر ہوئی، اس سنہری اصول پر اگر مسلمان عمل کرنے لگ جائیں تو معاشرے سے لوٹ کھسوٹ، رشوت، بددیانتی، جھوٹ فریب وغیرہ بیماریاں خودبخود ختم ہوجائیں گی۔