Ibn Abi Shaybah: Hadith 10939

(١٠٩٤٠) حضرت عبد الرحمن بن ابی لیلیٰ فرماتے ہیں کہ حضرت ابو موسیٰ حضرت حسن بن علی کی عیادت کے لیے تشریف لائے، وہ بیماری کی وجہ سے تکلیف محسوس کر رہے تھے۔ حضرت علی نے آپ سے فرمایا : مزاج پرسی کے لیے تشریف لائے ہیں یا دوسرے کی مصیبت پر خوش ہونے کے لیے ؟ آپ نے فرمایا نہیں بلکہ مزاج پرسی کے لئے، حضرت علی نے ان سے فرمایا اگر آپ مزاج پرسی کے لیئے تشریف لائے ہیں تو میں نے خود رسول کریم (صلی اللہ علیہ وآلہ وسلم) سے سنا آپ فرماتے ہیں جو شخص مسلمان کی عیادت کے لیے آتا ہے وہ جنت کے پھلوں (باغات) میں چلتا ہے یہاں تک کہ بیٹھ جائے، پھر جب بیٹھ جاتا ہے تو اس کو رحمت ڈھانپ لیتی ہے، اگر وہ صبح کے وقت آتا ہے تو شام تک ستر ہزار فرشتے اس کے لیے دعائے مغفرت فرماتے ہیں اور اگر وہ شام کے وقت آتا ہے تو ستر ہزار فرشتے صبح تک اس کے لیے دعائے مغفرت فرماتے رہتے ہیں۔