Ibn Abi Shaybah: Hadith 12719

(١٢٧٢٠) حضرت عائشہ سے مروی ہے کہ حضور اقدس (صلی اللہ علیہ وآلہ وسلم) کی خدمت میں ایک شخص نے ذکر کیا کہ وہ جل گیا ہے، آپ (صلی اللہ علیہ وآلہ وسلم) نے اس کے متعلق دریافت کیا تو اس نے ذکر کیا کہ اس رمضان میں اپنی بیوی سے جماع کرلیا ہے، حضور اکرم (صلی اللہ علیہ وآلہ وسلم) کے پاس ایک ٹوکری لائی گئی جسے عَرْق کہتے ہیں اس میں کچھ کھجوریں تھیں حضور (صلی اللہ علیہ وآلہ وسلم) نے دریافت فرمایا : جلا ہوا شخص کہاں ہے ؟ ایک شخص کھڑا ہوا تو حضور (صلی اللہ علیہ وآلہ وسلم) نے فرمایا اس کو صدقہ کردو۔