Ibn Abi Shaybah: Hadith 12766

(١٢٧٦٧) حضرت مجاہد سے مروی ہے کہ انصار میں سے ایک شخص کے مہمان تھے اس کے گھر والوں نے دیر کردی، انصاری نے پوچھا تم نے میرے مہمان کو رات کا کھانا کھلایا ہے ؟ انھوں نے کہا نہیں، انصاری نے کہا تب میں بھی اللہ کی قسم رات کو تمہارا کھانا نہیں کھاؤں گا، اس کی بیوی نے کہا تب میں بھی نہیں کھاؤں گی، مہمان نے کہا اللہ کی قسم میں بھی نہیں کھاؤں گا، انصاری نے کہا میرا مہمان بغیر کھانے کے رات گزارے ! اپنا کھانا لاؤ پھر اس نے ان کے ساتھ کھایا، پھر صبح جا کر حضور اقدس (صلی اللہ علیہ وآلہ وسلم) کو سارے واقعہ کی قبر دی آپ (صلی اللہ علیہ وآلہ وسلم) نے فرمایا : تو نے اللہ کی اطاعت کی اور شیطان کی نافرمانی کی۔