Ibn Abi Shaybah: Hadith 22401

(٢٢٤٠٢) حضرت عبد الرحمن بن علقمہ (رض) سے مروی ہے کہ حضور اکرم (صلی اللہ علیہ وآلہ وسلم) کی خدمت میں ثقیف کا وفد حاضر ہوا۔ انھوں نے کچھ ہدیہ آپ (صلی اللہ علیہ وآلہ وسلم) کو دیا۔ آپ (صلی اللہ علیہ وآلہ وسلم) نے دریافت فرمایا یہ ہدیہ ہے یا صدقہ ؟ انھوں نے عرض کیا ہدیہ ہے۔ آپ (صلی اللہ علیہ وآلہ وسلم) نے فرمایا : بیشک ہدیہ سے اللہ کے رسول کی خوشنودی طلب کی جاتی ہے اور حاجت پوری کی جاتی ہے۔ اور صدقہ سے اللہ کی خوشنودی طلب کی جاتی ہے۔ انھوں نے عرض کیا نہیں یہ ہدیہ ہی ہے۔ آپ (صلی اللہ علیہ وآلہ وسلم) نے ان سے قبول فرما لیا۔ اور انھوں نے حضور کو ظہر کے تمام وقت مشغول رکھا (یعنی پاس بیٹھے رہے) یہاں تک کہ آپ (صلی اللہ علیہ وآلہ وسلم) نے ظہر کو عصر کے ساتھ پڑھا۔