Ibn Abi Shaybah: Hadith 22404

(٢٢٤٠٥) حضرت بریدہ سے مروی ہے کہ حضرت سلمان فارسی (رض) جب مدینہ حاضر ہوئے تو آنحضرت (صلی اللہ علیہ وآلہ وسلم) کی خدمت میں ایک پلیٹ میں ہدیہ لے کر حاضر ہوئے، اس کو آپ (صلی اللہ علیہ وآلہ وسلم) کے سامنے رکھا، آپ (صلی اللہ علیہ وآلہ وسلم) نے دریافت فرمایا یہ کیا ہے ؟ حضرت سلمان نے فرمایا آپ (صلی اللہ علیہ وآلہ وسلم) اور آپ (صلی اللہ علیہ وآلہ وسلم) کے اصحاب پر صدقہ ہے۔ آپ (صلی اللہ علیہ وآلہ وسلم) نے فرمایا : میں صدقہ نہیں کھاتا۔ انھوں نے وہ ہدیہ اٹھوا دیا (یعنی واپس کردیا) پھر اگلے دن اسی طرح لے کر آئے۔ آپ (صلی اللہ علیہ وآلہ وسلم) نے دریافت فرمایا یہ کیا ہے ؟ حضرت سلمان نے فرمایا آپ (صلی اللہ علیہ وآلہ وسلم) کے لیے ہدیہ ہے۔ آپ (صلی اللہ علیہ وآلہ وسلم) نے صحابہ (رض) سے فرمایا کھاؤ۔