Ibn Abi Shaybah: Hadith 23427

(٢٣٤٢٨) حضرت ام سلمہ (رض) سے مروی ہے کہ انصار کے دو شخص میراث کے متعلق جھگڑتے ہوئے آنحضرت (صلی اللہ علیہ وآلہ وسلم) کے پاس آئے، ان کے پاس گواہ نہ تھے، آنحضرت (صلی اللہ علیہ وآلہ وسلم) نے ارشاد فرمایا : تم لوگ اپنا جھگڑا لے کر میرے پاس آتے ہو میں بھی تمہاری طرح ایک انسان ہوں، شاید کہ تم میں سے بعض بعض پر حجت و دلیل میں غالب آجائے ، میں تو تمہارے درمیان اسی کے مطابق فیصلہ کرتا ہوں جو سنتا ہوں، پس جس کے لیے اس کے بھائی کے حق میں سے فیصلہ جائے تو اس کو چاہیے کہ وہ وصول نہ کرے، بیشک وہ تو آگ کا ایک ٹکڑا ہے ، جو قیامت کے دن اس کی گردن میں آگ کا کڑا ہوگا، حضرت ام سلمہ (رض) فرماتی ہیں کہ یہ سن کر وہ دونوں رونے لگے ، اور ہر ایک دوسرے سے کہنے لگا کہ میرا حق میرے بھائی کے لیے ہے۔ حضور اقدس (صلی اللہ علیہ وآلہ وسلم) نے ارشاد فرمایا : جب تم یہ کرچکے تو اب تم دونوں جاؤ اور آپس میں تقسیم کرلو، اور حق کا ارادہ کرو اور پھر آپس میں قرعہ ڈال لو، پھر چاہیے کہ تم میں سے ہر ایک اپنا حصہ اپنے بھائی کے لیے حلال کر دے۔