Ibn Abi Shaybah: Hadith 24614

(٢٤٦١٥) حضرت عبد الرحمن بن ابی لیلیٰ سے روایت ہے۔ وہ فرماتے ہیں کہ حضرت حذیفہ نے مقام مدائن میں پانی طلب فرمایا، پس ایک دہقان ان کے پاس چاندی کے برتن میں پانی لایا، پس حضرت حذیفہ نے یہ برتن اس دہقان کے منہ پردے مارنا چاہا، حضرت حذیفہ کو بتایا گیا۔ یہ دہقان لوگ تو اس طرح سے امراء کا اکرام کرتے ہیں۔ حضرت حذیفہ نے کہا، میں نے اس کو اس سے منع بھی کیا تھا اور بطور دلیل کے میں نے اس کو یہ بات بھی بیان کی تھی کہ جناب رسول اللہ (صلی اللہ علیہ وآلہ وسلم) نے سونے، چاندی کے برتن میں پینے سے منع فرمایا ہے۔