Ibn Abi Shaybah: Hadith 30496

(٣٠٤٩٧) حضرت عبداللہ بن بسر فرماتے ہیں کہ ایک آدمی نبی کریم (صلی اللہ علیہ وآلہ وسلم) کی خدمت میں حاضر ہواپس آپ (صلی اللہ علیہ وآلہ وسلم) اس کے پاس چلے گئے۔ پس وہ کھانے میں ستو اور گھی لایا پس آپ (صلی اللہ علیہ وآلہ وسلم) نے اسے تناول فرمایا : اور پھر وہ پانی لایا پس آپ (صلی اللہ علیہ وآلہ وسلم) نے نوش فرمایا۔ پھر آپ (صلی اللہ علیہ وآلہ وسلم) نے اپنے دائیں والے کو دے دیا، اور جب آپ (صلی اللہ علیہ وآلہ وسلم) کھجور کھاتے تو اس کی گٹھلی یوں پھینکتے۔ اور آپ نے اپنی دونوں انگلیوں سے ان کی پشت پر اشارہ کر کے دکھایا۔ اور فرمایا : جب نبی کریم (صلی اللہ علیہ وآلہ وسلم) سواری پر سوار ہوگئے۔ تو میرے والد اٹھے اور آپ کے جانور کی لگام پکڑ لی پھر فرمایا : اے اللہ کے رسول ! اللہ سے ہمارے لیے دعا کیجیے۔ پھر آپ (صلی اللہ علیہ وآلہ وسلم) نے یوں دعا فرمائی ! اے اللہ ! جو تو نے ان کو رزق عطا فرمایا ہے اس میں برکت عطا فرما، اور ان کی مغفرت فرما، اور ان پر رحم فرما۔