Ibn Abi Shaybah: Hadith 31221

(٣١٢٢٢) حضرت عروہ سے روایت ہے کہ قیس بن سعد بن عبادہ حضرت علی (رض) کے ساتھ ان کے لشکر کے اگلے حصّے میں رہے تھے، اور ان کے ساتھ پانچ ہزار افراد تھے جنہوں نے حضرت علی (رض) کی وفات کے بعد اپنے سروں کو منڈوا لیا تھا، پس جب حضرت حسن (رض) حضرت معاویہ (رض) کی بیعت میں داخل ہوگئے تو قیس نے داخل ہونے سے انکار کردیا، پھر اپنے ساتھیوں سے کہا تم کیا چاہتے ہو ؟ اگر تم چاہتے ہو تو میں تمہیں لے کر ہمیشہ لڑتا رہوں گا یہاں تک کہ ہم میں سے پہلے مرنے والا مرجائے، اور اگر تم چاہو تو میں تمہارے لیے امان طلب کرلوں، وہ کہنے لگے آپ ہمارے لیے امان طلب کرلیں، چنانچہ انھوں نے ان کے لیے کچھ شرائط اور معاوضے کے ساتھ صلح کرلی، اور شرط ٹھہرائی کہ ان کو کسی قسم کی سزا نہ دی جائے ، اور یہ کہا کہ میں ان کا ایک فرد ہوں گا، اور اپنے لیے کوئی شرط نہیں لگائی، جب وہ مدینہ کی طرف اپنے ساتھیوں کو لے کر واپس چلے تو سارے راستے میں روزانہ ان کے لیے ایک اونٹ ذبح کرتے رہے یہاں تک کہ مدینہ پہنچ گئے۔