Ibn Abi Shaybah: Hadith 31307

(٣١٣٠٨) ابو جہم قریشی اپنے والد سے روایت کرتے ہیں، فرمایا کہ حضرت علی (رض) کو میرے بارے میں کوئی بری خبر پہنچی تو انھوں نے مجھے کوڑے لگوائے، پھر ان کو خبر پہنچی کہ حضرت معاویہ (رض) نے مجھے کوئی خط لکھا ہے چنانچہ انھوں نے دو آدمی میرا گھر تلاش کرنے بھیجے، انھوں نے میرے گھر میں وہ خط پالیا، تو میں نے ان میں سے ایک آدمی سے جو میرے خاندان سے تھا کہا کہ تو میرے خاندان کا ہے اس لیے میری پردہ پوشی کرنا، چنانچہ وہ آدمی حضرت علی (رض) کے پاس گئے اور ان کو بات بتائی، ابو جہم فرماتے ہیں کہ پھر میرے والد اور حضرت علی (رض) سوار ہو کر نکلے تو انھوں نے ان سے فرمایا کہ ہم نے آپ کے بارے میں تحقیق کی ہے تو وہ بات باطل محض ثابت ہوئی ہے، میرے والد نے کہا کہ جس معاملے میں آپ نے مجھے کوڑے لگوائے ہیں وہ اس سے زیادہ بےاصل ہے۔