Ibn Abi Shaybah: Hadith 32713

(٣٢٧١٤) حضرت مسروق (رض) فرماتے ہیں کہ جب حضرت عثمان (رض) کو قتل کردیا گیا تو اس وقت حضرت عائشہ (رض) نے ارشاد فرمایا : تم لوگوں نے اس کو چھوڑ دیا ہے جیسا کہ گندگی صاف کپڑے کو چھوڑ دیتی ہے۔ پھر تم نے ان کو قریب کر کے ذبح کردیا جیسا کہ کسی مینڈھے کو ذبح کیا جاتا ہے۔ یہ بات اس سے پہلے کیوں نہیں ہوئی ؟ تو حضرت مسروق (رض) نے ان سے عرض کیا : یہ تو آپ (رض) کے عمل کی وجہ سے ہوا کہ آپ (رض) ہی نے لوگوں کو خط لکھ کر ان کو خروج کا حکم دیا ! راوی کہتے ہیں : کہ اس پر حضرت عائشہ (رض) نے فرمایا : نہیں ! قسم ہے اس ذات کی جس پر تمام مومن ایمان لائے اور کافروں نے جس کے ساتھ کفر کیا۔ میں نے کسی سفیدی پر سیاہی سے نہیں لکھا یہاں تک کہ میں اپنی اس جگہ پر بیٹھ گئی۔
امام اعمش (رض) فرماتے ہیں : پس ان لوگوں کی رائے یہی تھی کہ یہ سب ان کی زبان پر لکھ دیا گیا تھا۔