Ibn Abi Shaybah: Hadith 32935

(٣٢٩٣٦) حضرت عائشہ (رض) فرماتی ہیں کہ میں نے حضرت فاطمہ (رض) سے پوچھا : میں نے تجھے دیکھا تھا جب تم رسول اللہ (صلی اللہ علیہ وآلہ وسلم) پر جھکیں ان کے مرض وفات میں پھر رونے لگیں۔ پھر تم دوبارہ ان پر جھکیں پس دوسری مرتبہ تم ہنس پڑیں ؟ ! آپ (رض) نے فرمایا : میں جب پہلے جھکی تو آپ (صلی اللہ علیہ وآلہ وسلم) نے مجھے بتلایا کہ وہ فوت ہونے والے ہیں۔ تو میں رو پڑی۔ پھر میں دوبارہ آپ (صلی اللہ علیہ وآلہ وسلم) پر جھکی تو آپ (صلی اللہ علیہ وآلہ وسلم) نے مجھے بتلایا کہ میں اپنے گھر والوں میں سب سے پہلے آپ (صلی اللہ علیہ وآلہ وسلم) سے ملوں گی۔ اور بیشک میں جنت کی تمام عورتوں کی سردار ہوں۔ سوائے مریم بن عمران کے۔ تو اس بات پر میں ہنس پڑی۔