Ibn Abi Shaybah: Hadith 33040

(٣٣٠٤١) حضرت عبداللہ بن رباح (رض) فرماتے ہیں کہ ہم لوگ وفد کی صورت میں آئے، اس حال میں کہ ہم میں حضرت ابوہریرہ (رض) بھی موجود تھے۔ اور یہ رمضان کا مہینہ تھا۔ آپ (رض) نے فرمایا : اے گروہ انصار ! کیا میں تمہیں تمہارے متعلق ایک حدیث نہ سناؤں ؟ رسول اللہ (صلی اللہ علیہ وآلہ وسلم) نے ارشاد فرمایا : اے گروہ انصار ! لوگوں نے عرض کیا : اے اللہ کے رسول 5! ہم حاضر ہیں۔ آپ (صلی اللہ علیہ وآلہ وسلم) نے فرمایا : تم لوگ کہتے ہو : ایک آدمی کو اپنے علاقہ میں رغبت ہوگئی اور اس کو اپنے قبیلہ سے محبت ہے ! ہم نے یہ کہا ہے ! اے اللہ کے رسول 5! آپ (صلی اللہ علیہ وآلہ وسلم) نے فرمایا : تب تو یہ میر انام نہیں ؟ آپ (صلی اللہ علیہ وآلہ وسلم) نے فرمایا : ہرگز نہیں۔ بیشک میں اللہ کا بندہ اور اس کا رسول ہوں۔ میں نے تمہاری طرف ہجرت کی۔ جینا تمہارے ساتھ ہے اور مرنا بھی تمہارے ساتھ ۔ راوی کہتے ہیں سب صحابہ رونے لگے اور کہنے لگے : اے اللہ کے رسول 5! ہم نے یہ بات جو کہی صرف اس مقصد سے کہ اللہ اور اس کے رسول (صلی اللہ علیہ وآلہ وسلم) کا قرب مقصود تھا۔ آپ (صلی اللہ علیہ وآلہ وسلم) نے فرمایا : بیشک اللہ اور اس کا رسول (صلی اللہ علیہ وآلہ وسلم) دونوں تمہاری تصدیق کرتے ہیں اور تمہارا عذر قبول کرتے ہیں۔