Ibn Abi Shaybah: Hadith 33644

(٣٣٦٤٥) حضرت بشیر بن یسار (رض) کسی صحابی (رض) سے نقل کرتے ہیں کہ جب نبی کریم (صلی اللہ علیہ وآلہ وسلم) نے خیبر پر فتح پائی اور خیبرسارے کا سارا رسول اللہ (صلی اللہ علیہ وآلہ وسلم) اور مسلمانوں کا ہوگیا تو یہ لوگ اس میں کام کرنے سے تھک گئے تو انھوں نے یہ زمینیں یہود کو دے دیں کہ وہ ان میں کام کریں اور اس پر خرچ کریں اس شرط پر کہ پیدا ہونے والی کھیتی کا آدھا حصہ ان کو ملے گا۔ اور رسول اللہ (صلی اللہ علیہ وآلہ وسلم) نے اس کو چھتیس حصوں میں تقیسم کردیا اس طرح کہ ہر حصہ میں سو حصے تھے۔ پس رسول اللہ (صلی اللہ علیہ وآلہ وسلم) نے اس تمام کا نصف حصہ مسلمانوں کے لیے خاص کردیا اس طرح کہ اس آدھے میں مسلمانوں کے بھی حصہ تھے اور ان کے ساتھ ہی رسول اللہ (صلی اللہ علیہ وآلہ وسلم) کا بھی حصہ تھا۔ اور دوسرے نصف کو رسول اللہ (صلی اللہ علیہ وآلہ وسلم) نے آنے والے وفود کے لیے دوسرے معاملات اور لوگوں کے مصائب کے لیے خاص کردیا۔