Ibn Abi Shaybah: Hadith 33825

(٣٣٨٢٦) حضرت جریر (رض) فرماتے ہیں کہ رسول اللہ (صلی اللہ علیہ وآلہ وسلم) نے ارشاد فرمایا : کیا تم مجھے ذی الخلصہ سے راحت نہیں پہنچاؤ گے ؟ یہ خثعم کا گھر تھا جس کی زمانہ جاہلیت میں عبادت کی جاتی تھی اور اس کا نام کعبہ یمانیہ تھا۔ آپ (رض) فرماتے ہیں کہ میں ڈیڑھ سو سواروں کو لے کر نکلا اور ہم نے اس کو جلا دیا یہاں تک کہ ہم نے اسے خارش زدہ اونٹ کی مانند بنادیا پھر حضرت جریر (رض) نے ایک آدمی کو نبی کریم (صلی اللہ علیہ وآلہ وسلم) کے پاس بھیجا اس بات کی خوشخبری سنانے کے لیے ، جب وہ آپ (صلی اللہ علیہ وآلہ وسلم) کے پاس آیا تو اس نے عرض کیا کہ قسم ہے اس ذات کی جس نے آپ (صلی اللہ علیہ وآلہ وسلم) کو حق دے کر بھیجا ، میں نے آیا آپ (صلی اللہ علیہ وآلہ وسلم) کے پاس یہاں تک کہ ہم نے اس جگہ کو خارش زدہ اونٹ کی مانند چھوڑا۔ پس رسول اللہ (صلی اللہ علیہ وآلہ وسلم) نے پانچ مرتبہ احمس کو ، اس کے گھوڑے کو اور اس کے آدمیوں کو برکت کی دعا دی۔