Ibn Abi Shaybah: Hadith 33830

(٣٣٨٣١) حضرت خبیب (رض) فرماتے ہیں کہ رسول اللہ (صلی اللہ علیہ وآلہ وسلم) نکلے جنگ کے ارادے سے، تو میں اور میری قوم کا ایک آدمی آپ (صلی اللہ علیہ وآلہ وسلم) کی خدمت میں آئے۔ ہم نے عرض کیا : ہمیں شرم آتی ہے کہ ہماری قوم تو میدان جنگ میں حاضر ہو اور ہم ان کے ساتھ شریک نہ ہوں۔ آپ (صلی اللہ علیہ وآلہ وسلم) نے پوچھا : کیا تم دونوں نے اسلام قبول کرلیا ہے ؟ ہم نے کہا : نہیں ! آپ (صلی اللہ علیہ وآلہ وسلم) نے فرمایا : بیشک ہم مشرکین کے خلاف مشرکین سے مدد طلب نہیں کرتے۔ راوی فرماتے ہیں : کہ ہم دونوں اسلام لے آئے اور ہم نے آپ (صلی اللہ علیہ وآلہ وسلم) کے ساتھ شرکت کی۔