Ibn Abi Shaybah: Hadith 33981

(٣٣٩٨٢) حضرت محمد غنیمت کے بارے میں فرماتے ہیں کہ غنیمت میں خمس اللہ کے لیے ہے، اور اللہ کے نبی کا حصہ ہے اور غنیمت میں اللہ کے نبی (صلی اللہ علیہ وآلہ وسلم) کے لیے صفی ہے۔ (صفی وہ خاص حصہ جس کو اللہ کے نبی (صلی اللہ علیہ وآلہ وسلم) تقسیم غنیمت سے قبل ہی اپنے لیے الگ فرما لیں) حضرت ابن سیرین (رض) فرماتے ہیں کہ اللہ کے نبی کے لیے غنیمت میں بہترین قیدی کو الگ کیا گیا، پھر خمس نکالا گیا، پھر لوگوں کے حصہ میں سے خواہ وہ حاضر ہو یا غائب حصہ نکالا گیا۔
حضرت ابن سیرین فرماتے ہیں کہ خیبر کے دن اللہ کے نبی (صلی اللہ علیہ وآلہ وسلم) نے حضرت صفیہ بنت حیی کو بطور صفی الگ فرما لیا تھا۔
اور حضرت شعبی فرماتے ہیں کہ خیبر والے دن آنحضرت (صلی اللہ علیہ وآلہ وسلم) نے حضرت صفیہ بنت حیی کو الگ فرما لیا تھا پھر ان سے نکاح فرما لیا۔