Ibn Abi Shaybah: Hadith 34354

(٣٤٣٥٥) حضرت قیس (رض) سے مروی ہے کہ آنحضرت (صلی اللہ علیہ وآلہ وسلم) نے حضرت عمرو بن عاص (رض) کو غزوہ ذات السلاسل میں امیر بنا کر روانہ فرمایا، ان کے لشکر کو سخت سردی لگی، حضرت عمرو بن عاص (رض) نے حکم فرمایا کہ کوئی شخص آگ مت جلائے پھر ان کی دشمن سے لڑائی ہوئی، پھر جب لشکر واپس آیا تو انھوں نے حضور (صلی اللہ علیہ وآلہ وسلم) سے اس بارے میں شکایت کی، حضرت عمرو بن عاص (رض) نے عرض کیا اے اللہ کے رسول ! میرا لشکر تھوڑا تھا مجھے ڈر تھا کہ اگر آگ روشن کی تو دشمن ہماری قلت کو دیکھ لے گا اور میں نے ان کو دشمن کا پیچھا بھی اسی وجہ سے کرنے سے منع کردیا تھا کہ کوئی دشمن پہاڑ پر کمین نہ لگائے بیٹھا ہو، راوی فرماتے ہیں کہ حضور (صلی اللہ علیہ وآلہ وسلم) کو یہ طریقہ اور چال بہت پسند آئی۔