Ibn Abi Shaybah: Hadith 3472

(٣٤٧٢) حضرت مرہ بن شراحیل کہتے ہیں کہ میں ایک کمرے میں تھا، جس میں حضرت عبداللہ بن مسعود، حضرت حذیفہ اور حضرت ابو موسیٰ اشعری بھی تھے۔ اتنے میں نماز کا وقت ہوگیا ۔ ہر ایک نے دوسرے سے کہا آپ آگے ہوجائیں، حضرت عبداللہ، حضرت ابو موسیٰ اور حضرت حذیفہ کے درمیان تھے۔ ان دونوں نے انھیں پکڑ کر آگے کردیا۔ میں نے پوچھا کہ ان کی وجہِ تقدم کیا ہے ؟ انھوں نے فرمایا کہ یہ جنگ بدر میں شریک تھے۔