Ibn Abi Shaybah: Hadith 35285

(٣٥٢٨٦) حضرت ابو سعید خدری ارشاد فرماتے ہیں کہ ایک دن ہم نے رسول اکرم (صلی اللہ علیہ وآلہ وسلم) کو غم گین پایا تو کچھ حضرات نے عرض کیا اے اللہ کے رسول 5! میرے ماں باپ آپ پر قربان، میں آپ کو ایسا کیوں دیکھ رہا ہوں ؟ حضور اقدس (صلی اللہ علیہ وآلہ وسلم) نے ارشاد فرمایا : میں نے ایک آواز سنی اس جیسی آواز پہلے نہ سنی تھی۔ میں نے حضرت جبرائیل سے دریافت کیا یہ کیا ہے ؟ حضرت جبرائیل (علیہ السلام) نے فرمایا : ستر سال پہلے جہنم کی گہرائی میں ایک پتھر پھینکا گیا تھا آج وہ اس کی گہرائی میں پہنچا ہے، حضرت ابو سعید خدری (رض) نے ارشاد فرمایا : قسم ہے اس ذات کی جس نے محمد (صلی اللہ علیہ وآلہ وسلم) کو وفات دی، میں نے اس دن کے بعد آپ (صلی اللہ علیہ وآلہ وسلم) کو ہنستے ہوئے نہ دیکھا یہاں تک کہ آپ دنیا سے تشریف لے گئے۔