Ibn Abi Shaybah: Hadith 37290

(٣٧٢٩١) حضرت عقبہ بن حارث سے بیان کرتے ہیں کہ میں نے ابو اہاب تمیمی کی بیٹی سے شادی کی، پس جب اس کی روانگی کی صبح تھی تو اہل مکہ کی ایک آزاد کردہ لونڈی آئی تو اس نے کہا۔ میں نے تم دونوں کو دودھ پلایا تھا۔ اور پھر حضرت عقبہ سوار ہو کر آنحضرت (صلی اللہ علیہ وآلہ وسلم) کی خدمت میں مدینہ میں حاضر ہوئے اور آپ (صلی اللہ علیہ وآلہ وسلم) کے سامنے اس کا تذکرہ کیا اور (یہ بھی) کہا کہ میں نے لڑکی والوں سے پوچھا ہے تو انھوں نے انکار کیا ہے۔ آپ (صلی اللہ علیہ وآلہ وسلم) نے فرمایا۔ جب کہہ دیا گیا ہے تو انکار کیسا ؟ پس آپ نے ان سے جدائی کرلی اور انھوں نے کسی اور سے نکاح کرلیا۔