Ibn Abi Shaybah: Hadith 37921

(٣٧٩٢٢) حضرت سعد بن المنذر سے روایت ہے کہ رسول اللہ (صلی اللہ علیہ وآلہ وسلم) احد کی طرف نکلے ۔ پس جب آپ (صلی اللہ علیہ وآلہ وسلم) نے ثنیۃ الوداع کو پار کیا تو آپ (صلی اللہ علیہ وآلہ وسلم) کو اپنے پیچھے ایک سخت رو لشکر دکھائی دیا۔ آپ (صلی اللہ علیہ وآلہ وسلم) نے پوچھا۔ یہ کون لوگ ہیں ؟ لوگوں نے بتایا۔ عبداللہ بن ابی بن سلول اور اس کے حمایتی یہودی۔ آپ (صلی اللہ علیہ وآلہ وسلم) نے پوچھا۔ کیا انھوں نے اسلام قبول کرلیا ہے ؟ لوگوں نے کہا : نہیں ! بلکہ یہ اپنے دین پر ہی قائم ہیں۔ آپ (صلی اللہ علیہ وآلہ وسلم) نے فرمایا : انھیں کہہ دو کہ واپس چلے جاؤ۔ اس لیے کہ ہم مشرکین کے خلاف مشرکین سے مدد طلب نہیں کرتے۔