Ibn Abi Shaybah: Hadith 38162

(٣٨١٦٣) حضرت سعد سے روایت ہے کہ جب رسول اللہ (صلی اللہ علیہ وآلہ وسلم) غزوہ تبوک کے لیے نکلے تو آپ (صلی اللہ علیہ وآلہ وسلم) نے حضرت علی کو عورتوں اور بچوں میں چھوڑ دیا۔ حضرت علی نے پوچھا۔ یا رسول اللہ (صلی اللہ علیہ وآلہ وسلم) ! آپ مجھے عورتوں اور بچوں میں چھوڑ رہے ہیں ؟ آپ (صلی اللہ علیہ وآلہ وسلم) نے جواباً ارشاد فرمایا : کیا تم اس پر راضی نہیں ہو کہ تم میرے لیے بمنزلہ موسیٰ سے ہارون کے ہو، مگر یہ بات ہے کہ میرے بعد کوئی نبی نہیں ہوگا۔