Ibn Abi Shaybah: Hadith 5748

(٥٧٤٨) حضرت ابراہیم فرماتے ہیں کہ کوفہ کے ایک گورنر نے (سفیان کے نزدیک یہ گورنر سعید بن عاص اور دوسروں کے نزدیک ولید بن عقبہ ہں۔ ) نے عبداللہ بن مسعود، حذیفہ بن یمان اور عبداللہ بن قیس کو بلایا اور ان سے پوچھا کہ عید آرہی ہے اس بارے میں تمہاری کیا رائے ہے ؟ سب حضرات نے اپنا معاملہ حضرت عبداللہ کے سپرد کردیا۔ انھوں نے فرمایا کہ نو مرتبہ تکبیر کہو، ایک مرتبہ نماز شروع کرنے کے لئے، پھر تین تکبیریں کہو، پھر سورت پڑھو، پھر تکبیر کہو، پھر رکوع میں جاؤ، پھر کھڑے ہو کر کوئی سورت پڑھو، پھر چار تکبیریں کہو، اور چوتھی تکبیر میں رکوع کرلو۔