Ibn Abi Shaybah: Hadith 9326

(٩٣٢٦) حضرت مولی اسامہ کہتے ہیں کہ حضرت اسامہ مکہ میں اپنے مال ومویشی کے پاس جایا کرتے تھے۔ وہاں وہ پیر اور جمعرات کا روزہ رکھتے تھے۔ میں نے ان سے کہا کہ آپ بوڑھے ہو کر پیر اور جمعرات کا روزہ رکھتے ہیں۔ انھوں نے فرمایا کہ میں نے رسول اللہ (صلی اللہ علیہ وآلہ وسلم) کو ان دو دنوں میں روزہ رکھتے دیکھا تو میں نے آپ (صلی اللہ علیہ وآلہ وسلم) سے پوچھا کہ آپ پیر اور جمعرات کا روزہ کیوں رکھتے ہیں ؟ آپ نے فرمایا کہ اس دن اعمال اللہ تعالیٰ کی بارگاہ میں پیش ہوتے ہیں۔