(١٠٢٥٦) حضرت عمرو بن شعیب اپنے والد اور دادا سے روایت کرتے ہیں کہ آنحضرت (صلی اللہ علیہ وآلہ وسلم) کے پاس دو عورتیں آئیں ان کے ہاتھوں میں سونے کے کنگن تھے۔ آنحضرت (صلی اللہ علیہ وآلہ وسلم) نے ان سے فرمایا : کیا تم پسند کرتی ہو کہ اللہ تعالیٰ (قیامت کے دن) تمہیں آگ کے کنگن پہنائے ؟ انھوں نے عرض کیا نہیں، آپ (صلی اللہ علیہ وآلہ وسلم) نے ارشاد فرمایا کہ پھر جو تم نے اپنے ہاتھوں میں پہن رکھا ہے اس کا حق (زکوۃ ) ادا کرو۔