(١٠٩٤١) حضرت علقمہ بن مرثد آل ابو موسیٰ اشعری سے روایت کرتے ہیں کہ وہ جب حضرت علی کے پاس آئے تو حضرت علی نے آپ سے فرمایا آپ کیوں تشریف لائے ؟ کیا آپ مزاج پرسی کیلئے تشریف لائے ہیں ؟ آپ نے فرمایا مجھے نہیں معلوم کہ تم میں سے کوئی بیمار ہے، حضرت علی نے فرمایا کیوں نہیں حسن بن علی (بیمار ہیں) پھر حضرت علی نے فرمایا : جس نے صبح کے وقت مریض کی عیادت کی اس کیلئے ستر ہزار فرشتے شام تک دعائے مغفرت فرماتے ہیں، اور جو شام کے وقت مریض کی عیادت کرتا ہے اس کیلئے ستر ہزار فرشتے صبح تک دعائے مغفرت فرماتے رہتے ہیں۔