(١٢٠٣٠) حضرت خارجہ بن زید اپنے چچا حضرت یزید بن ثابت سے روایت کرتے ہیں کہ وہ حضور اقدس (صلی اللہ علیہ وآلہ وسلم) کے ساتھ تشریف فرما تھے کہ ایک جنازہ نکلا، جب حضور اقدس (صلی اللہ علیہ وآلہ وسلم) نے اس کو دیکھا تو آپ (صلی اللہ علیہ وآلہ وسلم) کھڑے ہوگئے اور آپ (صلی اللہ علیہ وآلہ وسلم) کے صحابہ بھی کھڑے ہوگئے اور جنازے کے گزرنے تک کھڑے رہے، میں نہیں سمجھتا کہ آپ کسی تکلیف یا جگہ کی تنگی کی وجہ سے کھڑے ہوئے ہوں، اور میرا خیال ہے کہ یہ یہودی مرد یا عورت کا جنازہ تھا ہم نے نبی (صلی اللہ علیہ وآلہ وسلم) سے اس کھڑے ہونے کی وجہ دریافت نہ کی۔