(١٢٠٤٠) حضرت ابن ابی لیلیٰ فرماتے ہیں کہ حضرت قیس بن سعد اور حضرت سھل بن حنیف قادسیہ میں تھے کہ آپ کے پاس سے جنازہ گزرا تو آپ دونوں حضرات کھڑے ہوگئے، آپ سے عرض کیا گیا یہ اہل ارض میں سے ہے (مسلمان نہیں ہے) تو انھوں نے فرمایا ایک بار حضور اقدس (صلی اللہ علیہ وآلہ وسلم) کے پاس سے ایک جنازہ گزرا آپ (صلی اللہ علیہ وآلہ وسلم) کھڑے ہوگئے، آپ کو کہا گیا یہ تو یہودی تھا، آپ (صلی اللہ علیہ وآلہ وسلم) نے ارشاد فرمایا : کیا یہ انسان نہیں ہے ؟۔