(١٢٢٥٥) حضرت عکرمہ فرماتے ہیں کہ حضرت عبداللہ بن عباس نے فرمایا اس حدیث کو یاد کرو، حضور اقدس (صلی اللہ علیہ وآلہ وسلم) کی ایک بیٹی موت کے قریب تھی آنحضرت (صلی اللہ علیہ وآلہ وسلم) نے انھیں اپنے ہاتھوں پر اٹھایا اور سینے سے لگایا، راوی کہتے ہیں کہ وہ قریب المرگ تھیں یہاں تک کہ ان کا انتقال ہوگیا، آپ (صلی اللہ علیہ وآلہ وسلم) نے ان کو نیچے رکھا اور آپ (صلی اللہ علیہ وآلہ وسلم) رو رہے تھے، حضرت ام ایمن نے چیخنا شروع کردیا، حضور اقدس (صلی اللہ علیہ وآلہ وسلم) نے ارشاد فرمایا : تیرے لیے مناسب نہیں ہے کہ رسول اللہ (صلی اللہ علیہ وآلہ وسلم) کے سامنے روئے، حضرت ام ایمن نے فرمایا : کیا میں رسول اللہ کو روتے ہوئے نہیں دیکھ رہی ؟ آپ (صلی اللہ علیہ وآلہ وسلم) نے ارشاد فرمایا : میں نہیں رو رہا یہ تو رحمت کے آنسو ہیں۔