(١٢٥٤٩) حضرت انس سے مروی ہے کہ حضور اقدس (صلی اللہ علیہ وآلہ وسلم) نے ایک شخص کو دیکھا وہ اپنے دو بچوں کے درمیان لڑکھڑا کر چل رہا ہے، آپ (صلی اللہ علیہ وآلہ وسلم) نے پوچھا یہ کیا ہے ؟ انھوں نے عرض کیا، انھوں نے نذر مانی ہے کہ بیت اللہ پیدل چل کر جائیں گے، آپ (صلی اللہ علیہ وآلہ وسلم) نے ارشاد فرمایا : بیشک اللہ تعالیٰ اس بات سے بےنیاز ہے کہ یہ شخص اپنے آپ کو تکلیف دے۔ پھر آپ (صلی اللہ علیہ وآلہ وسلم) نے ان کو حکم دیا تو وہ سوار ہوگئے۔