(١٢٥٧٥) حضرت میمونہ بنت کردم الیساریہ فرماتی ہیں میرے والد کی نبی کریم (صلی اللہ علیہ وآلہ وسلم) سے ملاقات ہوئی وہ ان کے ردیف تھے، آپ (صلی اللہ علیہ وآلہ وسلم) نے میرے والد سے دریافت کیا تو انھوں نے کہا کہ میں نے نذر مانی ہے کہ بوانہ (ساحل سمندر) میں قربانی کروں گا ؟ آپ (صلی اللہ علیہ وآلہ وسلم) نے دریافت فرمایا کیا وہاں کوئی بت، مورتی ہے ؟ میرے والد نے جواب دیا کہ نہیں، آپ (صلی اللہ علیہ وآلہ وسلم) نے ان سے فرمایا : اپنی نذر وہاں پوری کر جہاں تو نے نذر مانی ہے۔