(١٣١٦) حضرت عائشہ فرماتی ہیں کہ ایک مرتبہ ایک یہودی عورت میرے پاس آئی اور کہنے لگی کہ قبر کا عذاب پیشاب کی وجہ سے بھی ہوتا ہے۔ میں نے کہا تو جھوٹ بولتی ہے۔ وہ بولی میں ٹھیک کہتی ہوں اس کی وجہ سے کپڑے اور کھال کو کاٹا جاتا ہے۔ حضرت عائشہ فرماتی ہیں کہ اتنے میں حضور (صلی اللہ علیہ وآلہ وسلم) تشریف لے آئے اس دوران ہماری آوازیں بلند ہوچکی تھیں۔ حضور (صلی اللہ علیہ وآلہ وسلم) نے فرمایا یہ کیا ہے ؟ میں نے آپ کو ساری بات بتائی تو آپ نے فرمایا کہ یہ عورت ٹھیک کہتی ہے۔