(١٤٧٧٢) حضرت عطائ فرماتے ہیں کہ میں نے حضرت ابن عمر، حضرت ابو سعید اور حضرت ابوہریرہ کو دیکھا وہ جب حجر اسود کا استلام کرتے تو اپنے ہاتھوں کو چومتے۔
راوی کہتے ہیں کہ میں نے عرض کیا کہ اور حضرت ابن عباس بھی ؟ آپ نے فرمایا کہ میرا خیال ہے ابن عباس بھی، حضرت عطائ فرماتے ہیں کہ میں رکن کو ہاتھ نہ لگاتا اگر میں اپنے ہاتھوں کو بوسہ نہ دیتا اور حضرت عمرو بن دینار فرماتے ہیں جس نے رکن کو چھوا اور اپنے ہاتھوں کو نہ چوما اس نے بےرخی برتی۔