(١٦٠٣٤) حضرت ابن زبیر نے ارشاد فرمایا : صرف حج کیا کرو، اور اپنے عمال کے قول کو چھوڑدو، یہ بات جب حضرت ابن عباس تک پہنچی تو آپ نے ارشاد فرمایا : اے وہ شخص جس کے دل اور آنکھوں کو اللہ تعالیٰ نے اندھا کردیا ہے، کیا تو نے اپنی والدہ سے دریافت نہیں کیا ؟ پس انھوں نے والدہ سے دریافت کیا تو انھوں نے فرمایا کہ ہم لوگ حضور اقدس (صلی اللہ علیہ وآلہ وسلم) کے ساتھ حج کے لیے نکلے، آپ (صلی اللہ علیہ وآلہ وسلم) نے ہمیں حکم دیا، پس ہم سب لوگ حلال ہوگئے ، یہاں تک کہ مردوں اور عورتوں کے درمیان آگ کا دھواں بلند ہوگیا۔