(١٧٣٦٢) حضرت عبداللہ (رض) فرماتے ہیں کہ ایک مرتبہ ہم اپنی جوانی کے دور میں حضور (صلی اللہ علیہ وآلہ وسلم) کے ساتھ تھے۔ ہم نے (شدتِ شہوت) سے تنگ آکر حضور (صلی اللہ علیہ وآلہ وسلم) سے عرض کیا کہ ہم خود کو خصی کرنا چاہتے ہیں۔ آپ (صلی اللہ علیہ وآلہ وسلم) نے فرمایا کہ ایسا نہ کرو، پھر آپ نے ہمیں رخصت دے دی کہ ہم عورت سے کپڑے کے بدلے ایک خاص مدت تک کے لیے نکاح کرلیں۔ پھر حضرت عبداللہ (رض) نے یہ آیت پڑھی : (ترجمہ) اے ایمان والو ! اللہ تعالیٰ نے جو پاکیزہ چیزیں تمہارے لیے حلال کی ہیں، انھیں حرام نہ کرو۔