(١٨٩٧٥) حضرت مجاہد (رض) فرماتے ہیں کہ حضرت ابن زبیر (رض) نے ایک عورت سے شادی کی، لوگوں نے مہر میں اضافے کا مطالبہ کیا حضرت ابن زبیر (رض) نے قسم کھالی کہ نہ تو مہر میں اضافہ کریں گے اور نہ ہی عورت سے دخول کریں گے، پھر دو سال تک انھیں چھوڑا رکھا، پھر لوگوں نے ان سے درخواست کی تو انھوں نے اپنی بیگم سے شرعی ملاقات فرمائی اور اسے ایلاء قرار نہ دیا، حضرت وکیع (رض) فرماتے ہیں کہ حضرت سفیان (رض) کا بھی یہی مسلک ہے اور ہماری بھی یہی رائے ہے۔