(١٩٥٨٧) حضرت عمرو بن میمون (رض) اپنے والد سے روایت کرتے ہیں کہ ام کلثوم (رض) حضرت زبیر بن عوام (رض) کے نکاح میں تھیں۔ وہ عورتوں پر سختی کرنے والے آدمی تھی۔ جس کی وجہ سے وہ انھیں ناپسند کرتی تھیں۔ انھوں نے حالت حمل میں حضرت زبیر (رض) سے طلاق کا مطالبہ کیا لیکن انھوں نے انکار کردیا۔ جب انھیں درد زہ ہونے لگا تو انھوں نے ایک طلاق کا پرزور مطالبہ کیا۔ حضرت زبیر (رض) وضو کررہے تھے انھوں نے ایک طلاق دے دی۔ جب وہ باہر آئے تو انھیں کسی نے بتایا کہ حضرت ام کلثوم (رض) نے بچے کو جنم دے دیا ہے۔ حضرت زبیر (رض) نے کہا اللہ اس کا ناس کرے اس نے مجھے دھوکا دیا ! پھر وہ رسول اللہ (صلی اللہ علیہ وآلہ وسلم) کے پاس حاضر ہوئے اور ان سے قصہ عرض کیا تو آپ نے فرمایا کہ اللہ کی کتاب غالب آگئی، تم انھیں نکاح کا پیام بھیج سکتے ہو۔ حضرت زبیر (رض) نے فرمایا کہ اب وہ کبھی میرے نکاح میں واپس نہیں آئیں گی۔