(١٩٦٤٩) حضرت ابن عباس (رض) فرماتے ہیں کہ نبی پاک (صلی اللہ علیہ وآلہ وسلم) نے مؤتہ کی طرف ایک لشکر روانہ فرمایا اور ان پر حضرت زید (رض) کو سپہ سالار مقرر کیا، آپ نے حکم دیا کہ اگر زید (رض) شہید ہوجائیں تو جعفر (رض) کو امیر بنا لیا جائے اگر جعفر بھی شہید ہوجائیں تو عبداللہ بن رواحہ کو امیر بنا لیا جائے۔ لشکر کی روانگی کے باوجود حضرت عبداللہ بن رواحہ (رض) حضور (صلی اللہ علیہ وآلہ وسلم) کے ساتھ جمعہ پڑھنے کی غرض سے پیچھے رہ گئے، جب رسول اللہ (صلی اللہ علیہ وآلہ وسلم) نے انھیں دیکھا تو پوچھا کہ آپ پیچھے کیوں رہے ؟ انھوں نے عرض کیا کہ آپ کے ساتھ جمعہ پڑھنے کی غرض سے۔ حضور (صلی اللہ علیہ وآلہ وسلم) نے فرمایا کہ اللہ کے راستے میں ایک صبح اور ایک شام لگانا دنیا اور جو کچھ دنیا میں ہے سب سے بہتر ہے۔