(٢١٣٦) حضرت ابن ابی محذورہ روایت کرتے ہیں کہ حضرت ابو محذورہ ایک ایک مرتبہ اذان کے کلمات کو آہستہ آواز سے کہا کرتے تھے۔ پھر جب أَشْہَدُ أَنَّ مُحَمَّدًا رَسُولُ اللہِ ، أَشْہَدُ أَنَّ مُحَمَّدًا رَسُولُ اللہِ ، تک پہنچتے تو واپس أَشْہَدُ أَنْ لاَ إِلَہَ إِلاَّ اللَّہُ ، کی طرف جاتے اور دو دو مرتبہ یہ کلمات کہتے ہوئے آواز کو بلند کرتے۔ پھر جب حَیَّ عَلَی الصَّلاَۃِ ، تک پہنچتے تو فجر کی پہلی اذان میں الصَّلاَۃُ خَیْرٌ مِنَ النَّوْمِ کہتے۔