(٢١٦٨٣) حضرت شعبی (رض) سے مروی ہے کہ قبیلہ ازد کے لوگوں کے پاس ایک جانور تھا، اس پر ایک قوم نے دعویٰ کیا اور گواہ پیش کر دئیے کہ یہ ان کا جانور ہے، جو حضرت عمر بن عبد العزیز کے دور میں گم ہوگیا تھا، اور جانور جن کے قبضہ میں تھا انھوں نے بھی گواہ پیش کر دئیے کہ وہ جانور ان کے ہاں پیدا ہوا ہے۔ معاملہ ان کے قاضی عبد الرحمن بن اذنیہ کے سامنے پیش ہوا، ان میں سے ایک فریق صبح آ کر گواہ پیش کرتا تو دوسرا فریق شام میں اس سے زیادہ گواہ پیش کردیتا، قاضی نے حضرت شریح (رض) کو صورت حال لکھ کر بھیجی، حضرت شریح (رض) نے لکھا کہ گواہوں کی کثرت کا اعتبار نہیں ہے، جنہوں نے گواہ پیش کئے ہیں کہ وہ ان کے ہاں پیدا ہوا ہے اور وہ جانور ان کے قبضے میں ہے وہ اس کے زیادہ حق دار ہیں۔