(٢١٨٩٥) حضرت قارب ثقفی (رض) فرماتے ہیں کہ ان کے والد نے ایک شخص سے چار ہزار درہم میں باندی خریدی، اس باندی کا اپنے آقا سے ایک (ناتمام) بچہ ضائع ہوچکا تھا۔ جب حضرت عمر (رض) کو اس کی خبر پہنچی تو تشریف لائے اور اپنا دُرّہ مارنے کے لیے بلند کیا اور فرمایا : تمہارا گوشت اس کے گوشت کے ساتھ ملنے کے بعد، اور تمہارا خون اس کے خون کے ساتھ ملنے کے بعد تم اس کو فروخت کرتے ہو ؟ اللہ کی لعنت ہو یہودیوں پر کہ ان پر چربی حرام کی گئی تو انھوں نے چربی فروخت کر کے اس کی قیمت کو کھالیا۔