(٢٢٢٦٩) حضرت عبیدہ بن جراح (رض) نے دیر طیایا کے لوگوں کو لکھا کہ میں نے تمہارے خون، اموال اور عبادت گاہوں کو امان دی ہے کہ ان کو برباد نہ کیا جائے اور نہ توڑا جائے، جب تک کہ تم لوگ کوئی نیا کام نہ کیے جاؤ یا تم کسی قاتل کو ٹھکانا دو ، پس اگر تم نے کوئی نیا کام کیا یا کسی قاتل کو ٹھکانا دیا تو پھر میں تمہارے ذمہ سے بری ہوں، تمہارے لیے ضروری ہے کہ تم مہمان کی تین دن مہمان نوازی کرو، بیشک ہم لشکر کی غلطی، لغزش سے بری ہیں۔ حضرت خالد بن ولید (رض) ، حضرت یزید بن سفیان (رض) ، حضرت شرحبیل بن حسنہ (رض) اور قضاعی بن عامر (رض) نے گواہی دی ( گواہ بنے ) اور اس کو لکھ لیا گیا۔