(٢٢٣٩٣) حضرت شقیق سے مروی ہے کہ حضرت معاذ (رض) حضرت ابوبکر صدیق (رض) کے دور خلافت میں یمن سے غلاموں کو لائے۔ حضرت عمر (رض) نے ان سے فرمایا : یہ غلام کو دے دو ، حضرت معاذ (رض) نے فرمایا میں اپنے غلام ان کو کیوں دے دوں ؟ پھر حضرت معاذ (رض) اپنے گھر تشریف لے گئے۔ اور غلاموں کو صدیق اکبر (رض) کے پاس نہیں لے کر گئے۔ انھوں نے رات گذاری پھر جب اگلی صبح ہوئی تو انھوں نے غلام ابوبکر (رض) کو دے دئیے۔ حضرت عمر (رض) نے ان سے دریافت فرمایا : آپ (رض) پر کیا ظاہر ہوئی جو آپ نے ایسا کیا ؟ حضرت معاذ نے فرمایا کہ میں نے خود کو خواب میں دیکھا کہ آگ میرے قریب ہے اور میں اس میں دھکیلا جا رہا ہوں۔ پھر آپ نے مجھے ازار بند کی جگہ سے پکڑ کر آگ میں گرنے سے بچا لیا۔ میرا خیال ہے کہ یہ سب ان غلاموں کی وجہ سے ہے۔ حضرت ابوبکر (رض) نے ارشاد فرمایا : یہ سب غلام تمہارے ہیں۔ پھر جب حضرت معاذ گھر تشریف لائے تو نماز پڑھنے کے لیے کھڑے ہوئے، غلاموں کو دیکھا کہ وہ بھی ان کے پیچھے نماز پڑھ رہے ہیں۔ حضرت معاذ (رض) نے پوچھا تم کس کے لیے نماز پڑھ رہے ہو ؟ انھوں نے کہا اللہ کے لئے، حضرت معاذ نے فرمایا : جاؤ تم اللہ کے لیے آزاد ہو۔